Top 6 Clashers ng ‘The Clash’ Season 4
NGAYONG gabi na magaganap ang inaabangang bonggang showdown ng napiling Top 6 contestants sa “The Clash” season 4 sa GMA 7.
Ito’y matapos nga ang makapigil-hiningang pagpili last week ng Clash panel na kinabibilangan nina Lani Misalucha, Christian Bautista at Ai Ai delas Alas sa anim na deserving Clashers.
Sa next round ng “The Clash” 2021 muling maghaharap sa stage ang Top 6 na kinabibilangan nina Julia Sebad, Lovely Restituto, Mariane Osabel, Mauie Francisco, Rare Columna at Renz Fernando.
Naging mainit ang laban nitong nagdaang weekend kung saan natanggal sa Top 8 si Jeffrey dela Torre ng Parañaque City na sinundan naman ni Vilmark Viray ng Pampanga.
Base sa inilabas na teaser ng GMA 7, nabanggit na huling tatlong episodes na lang bago ang finale. Meaning, sa Dec. 19, Linggo ay may bago nang tatanghaling grand champion ang “The Clash.”
At abangan din ang nabanggit ng Clash Masters na sina Julie Anne San Jose at Rayver Cruz sa episode last week tungkol sa isa na namang pangmalakasang twist sa paghaharap ng Top 6 contestants.
Kaya huwag nang bibitiw sa nalalapit na pagtatapos ng “The Clash”, tuwing Sabado at Linggo ng gabi sa GMA 7 lang.
‘Journey’ ni Julie Anne mahirap ipaliwanag; Top 30 Clashers bakbakan na sa The Clash 4
The post ‘The Clash’ Top 6 haharap sa pangmalakasang twist; wala nang atrasan sa biritan showdown appeared first on Bandera.
0 Comments