Joem naging ‘unfaithful’ din noong kabataan: Ngayon, kapag nasa isang relationship ako, doon lang ako

UMAMIN ang aktor na si Joem Bascon na naging “unfaithful” na rin siya pagdating sa usapin ng pakikipagrelasyon.

Natanong kasi sa nakaraang face-to-face presscon ng bago niyang movie na “The Other Wife” kung may pagkakataon ba na hindi siya naging tapat sa taong nakarelasyon niya.

“Siguro noong kabataan, noong sobrang young days, baka pupuwede kong sabihin na unfaithful. 

“Ako, I’m speaking for myself, kapag nasa isang relationship ako nag-i-stick na lang ako roon. 

“Pero kung kailangan na mag-move on, nagmu-move on na ako kaysa magkaroon pa ng gulo o pagkakagulo,'” paliwanag ni Joem.

“Parang it’s better na mag-usap na hanggang doon na lang ‘yon,” aniya pa.

Samantala, sa isang vlog naman ay sinagot ng partner ni Meryll Soriano kung paano niya hina-handle ang pamba-bash sa kanya ng mga netizens.

“Siguro kung ano ‘yung gusto nilang sabihin about me or sa nangyari, I guess sa kanila na lang. 

“Kasi hindi ko naman talaga nasabi ‘yung side ko at hanggang ngayon pinili ko talagang hindi siya sabihin. Kasi iba ang nangyari sa mga sinasabi,” aniya.

Wala mang binanggit ang aktor, malamang ang kanyang tinutukoy ay ang tungkol sa pangnenega sa kanya ng ilang bashers matapos silang maghiwalay ng vlogger na si Crisha Uy na sinundan ng pagbabalikan at pagkakaroon nila ng anak ni Meryll.

Sa ngayon, ani Joem, super happy na siya sa piling ni Meryll kasama ang kanilang anak at wala na siyang mahihiling pa kundi ang maayos na kalusugan ng kanyang pamilya.

“Sobrang happy ko. Hindi ko siya ma-explain. Basta sobrang saya ko. Hindi ko naramdaman siguro ‘yung pandemic, ‘yung quarantine because nasa bahay lang ako and naka-focus lang kami ni Meryll sa baby namin.

“I’m just happy na nagkaroon kami ng blessing noong nangyayari ‘yung kaguluhan sa buong mundo. And I guess ayon ‘yung sagot namin to be strong, to be loving, sa bahay namin para mabigay namin lahat ng pangangailangan sa anak namin,” aniya pa. 

Samantala, mapapanood na via streaming ang “The Other Wife” simula sa Hulyo 16, kung saan kasama rin ni Joem sina Lovi Poe at Rhen Escano.

The post Joem naging ‘unfaithful’ din noong kabataan: Ngayon, kapag nasa isang relationship ako, doon lang ako appeared first on Bandera.