Sef may ‘pinakyaw’ sa department store para paghandaan si Andre sa bagong game show

KAABANG-ABANG ang tandem nina Andre Paras at Sef Cadayona bilang hosts ng upcoming game show na “Game of the Gens” sa GMA News TV.

Excited na ang dalawang Kapuso comedian sa saya at impormasyon na hatid ng show kung saan ang mga maglalaro ay celebrities mula sa iba’t ibang henerasyon.

“Hindi lang siya magiging game show. ‘Yung mga Kapuso natin na manonood, they will learn a lot. Like ako, born ’95 ako pero mahilig ako sa 60s, 70s music. ‘Yung iba naman mahilig sa fashion,” chika ni Andre.

Siniguro naman ni Sef na lahat ay mag-e-enjoy sa programa, “Di ba may Boomers, may Millennials, Gen Z, Gen X. Very fortunate kami to host sa ganitong klase ng show na pagsasama-samahin namin silang lahat.”

Sey pa ni Andre, “To be honest I’ve been a fan of a lot of hosts growing up tapos just being someone to be known as a host, rather than acting or as an athlete. This is gonna be fun, because it has always been my dream to become a host.

“Tapos nakakatuwa pa rito it’s going to be family oriented. Tapos it’s going to be very nostalgic for a lot of viewers, kasi alam naman natin sa pangalan pa lang Game of the Gens.

“So I was very excited and at the same time nervous, because baka ako pa ‘yung walang alam, kasi I guess I’m in the middle na 25 years old, so its going to be fun interacting with our contestants older or younger,” kuwento pa ng Kapuso TV host-actor.

Hirit uli ni Sef, dream come true ang pagkapili sa kanya ng GMA para maging host ng “GOTG.”

“I’ve always been dreaming of becoming a host and this is the perfect opportunity na sakto na kasama ko pa si Andre,” aniya.

Patawa pa niyang chika, “Actually, bumibili na ako sa department store ng lahat ng inside heels sa loob ng sapatos para kahit paano maabot ko lang kahit ‘yung balikat ni Andre ‘yun lang naman ‘yung mithiin ko sa show na ‘to.”

Dagdag pang hirit ni Andre, “I just want to bring my energy to this platform, to this amazing new game show that GMA-7 has created.

“So, I believe with my energy and at the same time my wittiness, ‘yung pagka-light side ko would always be a reminder sa mga contestant na not to be nervous and just to have fun.”

Abangan ang game show for all generations, ang “Game of the Gens” sa GMA News TV.

The post Sef may ‘pinakyaw’ sa department store para paghandaan si Andre sa bagong game show appeared first on Bandera.