Ion Perez at Vice Ganda
SUPER proud na binati ng Kapamilya hunk model-actor na si Ion Perez ang kanyang partner na si Vice Ganda matapos itong manalo sa 2021 Asian Academy Creative Awards (AACA) na ginanap sa Singapore kamakalawa.
“Binabati kita bilang partner mo. Congratulations, babe. Siyempre, alam mo na yun kung gaano kita kamahal. Nandito lang ako lagi. Hindi kita iiwan,” ang message ni Ion kay Vice sa episode ng “It’s Showtime” kahapon.
Si Vice ang itinanghal na Best Lifestyle, Entertainment Presenter/Host sa ginanap na virtual ceremony ng 2021 AACA.
Samantala, inialay din ni Vice kay Ion ang bagong natanggap na karangalan pati na sa kanyang pinakamamahal na nanay na si Rosario Viceral.
Aniya, talagang nakiusap siya kay Ion na ipagdasal na sana’y manalo siya sa AACA, “Idine-dedicate ko ito sa ’yo kasi sa sobrang dagok na inabot ko, sa sobrang okray ng mga tao sa akin.
“Kung anu-ano ang naririnig ko. Sabi ko, salamat kasi yung pagmamahal niya, hindi lang nakakaganda, nakakahusay…
“Di ba, ang sarap gumising na parang kahit anong marinig ko, wala naman akong paki. Ang mahalaga, okey naman si Ion. Okey kami ni Ion at yung nanay ko, ang sarap sa feeling nung tinext ako ng nanay ko na, ‘You make your nanay proud again,’” lahad ng TV host-comedian na feeling Barbie Doll sa kanyang pink outfit nang um-attend sa virtual red carpet ng 2021 AACA.
Pahayag pa ni Vice, “I am just so flattered. It’s really a big honor to win the Best Entertainment Host in the Philippines and to be able to represent my country here in the Asian Academy Awards and it’s extra special because my program, Everybody Sing is also nominated and we hope we win tonight.
“This is a big honor, a big blessing and this is surely gonna make all my fans, supporters celebrate, and this is gonna make them all very happy and at the same time, this achievement is gonna make all my haters and bashers cry and die,” sey pa ni Vice with matching nakakalokang halakhak.
“Well-deserved victory to the Philippines. Thanks to the hard-working always entertaining Vice Ganda,” ang mensahe ng Asian Academy Creative Awards sa award na ibinigay nila kay Vice.
Vice, Sylvia, JM, Nonie lalaban sa 2021 Asian Academy Creative Awards
The post Ion proud sa bagong award ni Vice: Congrats, babe! Alam mo na yun kung gaano kita kamahal! appeared first on Bandera.
0 Comments