Makikita sa mga digital display board ang kanseladong flights sa O.R. Tambo International Airport sa Johannesburg, South Africa noong Nobyembre 26. (Reuters)
NAGKUKUMAHOG ang mga bansa sa buong mundo para saraduhan ang kanilang mga hangganan mula sa manlalakbay galing South Africa at karatig nitong nasyon para pigilan ang pagkalat ng bagong variant ng Covid-19.
Pero bago pa man maipatupad ang panibagong restriksyon, mukhang nakalusot na sa ilang bansa sa Europa ang ngayo’y kinatatakutang Omicron variant.
Narito ang listahan ng mga bansa kung saan may positibong kaso ng Omicron:
- Germany: 2
- Czech Republic: 1
- Italy: 1
- The Netherlands: ilan sa 61 positibong kaso ng manlalakbay galing South Africa
Umaksyon na rin ang Pillipinas at ipinagbawal ang pagpasok ng mga manlalakbay mula sa pitong bansa sa southern Africa. Suspendido na hanggang Disyembre 15 ang inbound flights mula sa South Africa, Botswana, Namibia, Zimbabwe, Lesotho, Eswatini, at Mozambique.
Kaugnay na Balita
Manlalakbay mula sa 7 bansa sa Africa, bawal nang pumasok sa Pinas
61 pasahero ng KLM galing South Africa, nagpositibo sa Covid-19
The post Listahan ng mga bansang may positibong kaso ng Omicron appeared first on Bandera.
0 Comments