Promise ni Rabiya Mateo sa mga Pinoy: Ilalaban ko talaga itong Miss Universe!

“BABANGON at babangon tayo!” Yan ang bahagi ng mensahe ng representative ng Pilipinas sa 2020 Miss Universe na si Rabiya Mateo para sa sambayabang Filipino.

Kahit nasa Amerika ngayon at naghahanda para sa nalalapit na grand coronation night ng Miss Universe, nasa Pilipinas pa rin ang isip at puso ni Rabiya lalo na ngayong patuloy pa rin ang paghihirap ng nga Pinoy dahil sa COVID-19 pandemic.

Maluha-luha ang dalaga nang magpasalamat sa ibinibigay na suporta at pagmamahal ng sambayanang Filipino sa kanya na patuloy na nagdarasal sa kanyang pagkapanalo sa Miss Universe pageant.

“I don’t want to be emotional. I feel like this is parang my send-off party. Maraming salamat po talaga sa init ng suportang ibinigay niyo sa akin. It’s hard to be far away from home, you know,” pahayag ni Rabiya sa isang virtual meet-and-greet session kasama si 2019 Miss Universe 2019 Zozibini Tunzi.

Aniya pa, “But every time I see a Filipino, you know, would send me a message of love, it meant a lot. It gives me the energy to do well in the competition.”

Kasunod nga nito, nagbigay din ng inspiring message ang beauty queen para sa lahat ng Pinoy na nagpapakatatag at lumalaban sa gitna ng pandemya.

“Alam ko, maraming pinagdaraanan ang bansa natin ngayon, maraming problema na kailangan ng solusyon. Kailangan natin magtulung-tulong.

“Kailangan natin mahalin muna iyong sariling atin at hindi tayo dapat magpaapi sa problema kasi Pilipino tayo. Babangon at babangon tayo,” pahayag ng dalaga.

Muli, nangako si Rabiya sa madlang pipol na gagawin niya ang lahat ng kanyang makakaya para maiuwi ang titulo at korona sa Miss Universe pageant.

“At iyong pangako ko, ilalaban ko talaga itong Miss Universe. Gagawin ko ang lahat lahat para maging proud naman kayo sa akin.

“Mahal ko kayo. Palangga akong tanan. And I hope, I hope on May 16, I make you guys proud,” aniya pa.

Samantala, naniniwala naman si Miss Universe 1969 Gloria Diaz na malakas ang laban ni Rabiya.

“Maganda naman si Rabiya talaga. We can never really tell but, you know, she is really deserving.

“Actually, ang dami kong nakikitang photos niya and she seems to be a very nice girl,” pahayag ng veteran actress sa isang panayam.

The post Promise ni Rabiya Mateo sa mga Pinoy: Ilalaban ko talaga itong Miss Universe! appeared first on Bandera.