Cebu Pacific hindi magpapasakay ng dayuhan mula sa 32 bansa na may bagong Covid-19 variant

Mga erpolano ng Cebu Pacific  habang nakahimpil sa Ninoy Aquino International Airport. (AFP) 

Hindi magpapasakay ang Cebu Pacific ng mga dayuhang pasahero mula sa 32 bansa na may napatunayang kaso ng bagong variant ng Covid-19.

Sa advisory na ipinalabas nitong Biyernes, sinabi ng Cebu Pacific na lahat ng mga dayuhan na “nagmula, dumaan, o bumisita sa loob ng 14 na araw bago dumating sa Pilipinas” sa mga bansang binanggit ng Inter-Agency Task Force for the Management of Emerging Infectious Diseases ay hindi tatanggapin sa kanilang flight.

Narito ang mga bansang sakop ng pagbabawal:

• United Kingdom
• Denmark
• Ireland
• Japan
• Australia
• Israel
• The Netherlands
• The People’s Republic of China, including Hong Kong Special Administrative Region
• Switzerland
• France
• Germany
• Iceland
• Italy
• Lebanon
• Singapore
• Sweden
• South Korea
• South Africa
• Canada
• Spain
• United States of America
• Portugal
• India
• Finland
• Norway
• Jordan
• Brazil
• Austria
• Pakistan
• Jamaica
• Luxembourg
• Oman

Ang advisory ng Cebu Pacific ay kaugnay sa hakbang ng pamahalaan na nagpalawig sa travel ban hanggang sa Enero 31 dahil sa bagong klase ng Covid-19.

Isinagawa ang ekstensyon matapos na ang isang Pilipinong dumating mula sa Dubai, United Arab ay nagpositibo sa UK variant ng Covid-19.

Pero sinabi ng Cebu Pacific na tatanggap ito ng mga Pilipinong pasahero mula Enero 15-31 galing sa Dubai, Hong Kong, Nagoya sa Japan, Singapore at Seoul sa South Korea.

Sinabi ng airline na ang mga pasaherong apektado ng  temporary ban ay maaring:

• Magpa-rebook ng libre sa loob ng 90 araw (walang babayarang rebooking fee at dipiresya sa halaga ng ticket)
• Full travel fund (valid sa loob ng dalawang taon)
• Full refund

Mula sa ulat ni Katrina Hallare, INQUIRER.net

 

The post Cebu Pacific hindi magpapasakay ng dayuhan mula sa 32 bansa na may bagong Covid-19 variant appeared first on Bandera.